Інстытут мовазнаўства імя Якуба Коласа

Сустрэча з эстонскімі вучонымі

28 сакавіка адбылася сустрэча першага намесніка дырэктара Цэнтра даследаванняў беларускай культуры, мовы і літатуры НАН Беларусі А.А. Лукашанца і дырэктара Інстытута мовазнаўства імя Якуба Коласа І.Л. Капылова з прадстаўнікамі Эстонскага літаратурнага музея – Марэ Кыйвэ (загадчык аддзялення фалькларыстыкі, дырэктар Цэнтра эстонскіх перадавых даследаванняў, доктар філасофіі), Пірэт Воолад, (старшы навуковы супрацоўнік аддзялення фалькларыстыкі, доктар філасофіі), Андрэс Купер'янаў (навуковы супрацоўнік аддзялення фалькларыстыкі, магістр філасофіі).

Сустрэча адбылася ў межах міжнароднага навукова-даследчага беларуска-эстонскага праекта, у якім удзельнічаюць у тым ліку супрацоўнікі сектара этналінгвістыкі і фальклору Інстытута.

Адбыўся даследчы візіт у Беларускую бібліятэку і музей імя Францішка Скарыны ў Лондане

Пры падтрымцы праекта MOST (Mobility Scheme for Targeted People-to-People-Contacts) па пашырэнні прафесійных кантактаў старшы навуковы супрацоўнік аддзела славістыкі і тэорыі мовы Вольга Фурс 8–13 сакавіка 2019 г. наведала Беларускую бібліятэку і музей імя Францішка Скарыны ў Лондане, Вялікабрытанія.

Рыхтуемся да Дня пісьменства ў Слоніме

У Савеце Міністраў Рэспублікі Беларусь пад старшынствам Намесніка Прэм’ер-міністра Рэспублікі Беларусь І.В. Петрышэнкі 14-га сакавіка прайшло пасяджэнне Нацыянальнага арганізацыйнага камітэта па падрыхтоўцы і правядзенні Дня беларускага пісьменства ў г. Слоніме Гродзенскай вобласці 1 верасня 2019 года. У пасяджэнні прыняў удзел член Нацыянальнага арганізацыйнага камітэта дырэктар Інстытута мовазнаўства імя Якуба Коласа І.Л. Капылоў.

Віншаванне Валянціне Паўлаўне Русак ад Прэзідэнта Рэспублікі Беларусь Аляксандра Рыгоравіча Лукашэнкі.

Адбыўся круглы стол “Беларуска-рускае дзяржаўнае двухмоўе: праблемы ўпарадкавання і функцыянавання беларускай медыцынскай тэрміналогіі”.

20 лютага ў Інстытуце мовазнаўства імя Якуба Коласа адбыўся круглы стол “Беларуска-рускае дзяржаўнае двухмоўе: праблемы ўпарадкавання і функцыянавання беларускай медыцынскай тэрміналогіі”. На пасяджэнні былі абмеркаваны актуальныя праблемы сучаснага стану беларускай медыцынскай тэрміналогіі; пытанні яе функцыянавання ў двухмоўным соцыуме; узровень лексікаграфічнай кадыфікацыі паняццяў і тэрмінаў, што ўжываюцца ў сферы медыцыны і аховы здароўя.

Фінал рэспубліканскага маладзёжнага конкурса “100 ідэй для Беларусі”

27 лютага 2019 г. у Бізнес-інкубатары Парка высокіх тэхналогій (г. Мінск, вул. Акадэміка Купрэвіча 1/5) адбыўся фінал рэспубліканскага маладзёжнага конкурса “100 ідэй для Беларусі”, у якім прыняла ўдзел старшы навуковы супрацоўнік аддзела славістыкі і тэорыі мовы Інстытута мовазнаўства імя Якуба Коласа Герасімовіч Вольга Віктараўна. Аўтар выступіла з прэзентацыяй праекта «Семь смертных грехов vs. семь добродетелей в художественном искусстве» (у намінацыі “Грамадства, эканоміка і сацыяльная сфера”).

Падзякa за падтрымку беларускай мовы ад SAY.BY

Год таму ў Інстытуце мовазнаўства імя Якуба Коласа адбылося пасяджэнне круглага стала «Беларуская мова і бізнес». Сустрэча прадстаўнікоў беларускіх фірм, кампаній, рэкламных агенцтваў, банкаў з мовазнаўцамі была адным з мерапрыемстваў, што праходзілі ў рэчышчы святкавання тыдня беларускай мовы.

Тыдзень праляцеў і закончыўся, аднак іменна з таго часу пачалося супрацоўніцтва Інстытута мовазнаўства імя Якуба Коласа з праектам SAY.BY (Падтрымліваем мову), накіраваным на распрацоўку мабільных прыкладанняў і візуальнага інфармацыйнага суправаджэння для грамадскіх устаноў, што аказваюць паслугі насельніцтву (кавярняў, рэстаранаў, цырульняў, салонаў прыгажосці, стаматалагічных клінік, заправачных станцый і інш.).

Віншуем Аляксандра Аляксандравіча!

“Простыя словы роднае мовы”

22 лютага 2019 года ў Інстытуце мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі адбылося адукацыйна-забаўляльнае мерапрыемства ў форме віктарыны “Простыя словы роднае мовы”, арганізаванае Інстытутам мовазнаўства і факультэтам пачатковай адукацыі Беларускага дзяржаўнага педагагічнага ўніверсітэта імя Максіма Танка. Гэта імпрэза, праведзеная з нагоды Міжнароднага дня роднай мовы, дала пачатак урачыстасцям, прысвечаным 90-годдзю з дня заснавання Інстытута мовазнаўства і 105-годдзю з дня заснавання Беларускага дзяржаўнага педагагічнага ўніверсітэта.

“Слова як памяць”

20 лютага 2019 года адбылася імпрэза “Слова як памяць”, прымеркаваная да Міжнароднага дня роднай мовы і прысвечаная прэзентацыі “Расейска-беларускага слоўніка” (архіўная спадчына 1907―1918) Апанаса Ярушэвіча.

2019 год багаты на важныя для беларускай мовы даты. Сёлета спаўняецца 20 гадоў, як Генеральнай канферэнцыяй ЮНЭСКА быў абвешчаны Міжнародны дзень роднай мовы Для беларусаў гэта свята актуальнае і патрэбнае, бо яно дазваляе захаваць сваю нацыянальную і гістарычную памяць, абараніць нашу моўную адметнасць у глабалізаваным свеце.

Глядзіце таксама