Савет маладых вучоных Інстытута мовазнаўства імя Якуба Коласа арганізаваў для маладых навукоўцаў НАН Беларусі першыя адкрытыя профільныя курсы «Беларуская мова ў навуковай сферы».
Савет маладых вучоных Інстытута мовазнаўства імя Якуба Коласа арганізаваў для маладых навукоўцаў НАН Беларусі першыя адкрытыя профільныя курсы “Беларуская мова ў навуковай сферы”.
Асноўная мэта курсаў – фарміраванне культуры стварэння пісьмовага навуковага тэксту ў самых пашыраных яго разнавіднасцях (артыкул, дысертацыя, манаграфія, справаздача, анатацыя, экспертыза), культуры вуснага выступлення па навуковай праблематыцы, павышэнне агульнай моўнай кампетэнцыі маладых вучоных.
Падвядзенне вынікаў і ўзнагароджанне пераможцаў V рэспубліканскага конкурсу навукова-даследчых і творчых работ “Тут родныя трымаюць карані...”
14 снежня ў актавай зале Мінскай духоўнай акадэміі адбылося падвядзенне вынікаў і ўзнагароджанне пераможцаў V рэспубліканскага конкурсу навукова-даследчых і творчых работ “Тут родныя трымаюць карані...”, аб’яўленага ўстановай «Рэдакцыя часопіса “Роднае слова”» і прымеркаванага да Года малой радзімы.
Ярушэвіч, А. В. Расейска-беларускі слоўнік. Архіўная спадчына
Ярушэвіч, А. В. Расейска-беларускі слоўнік. Архіўная спадчына / А. В. Ярушэвіч ; уклад., уступ. арт. I. У. Галуза; навук. рэд. В. М. Курцова; Нац. акад. навук Беларусі, Цэнтр даслед. беларус. культуры, мовы і літ., Ін-т мовазнаўства імя Якуба Коласа, Нац. архіў Рэспублікі Беларусь. - Мінск : Беларуская навука, 2018. - 351 с.
Віншуем Вадзіма Аляксандравіча Шклярыка!
12 снежня ў Мінску былі абвешчаны пераможцы штогадовай прэміі Міжнароднага кангрэса даследчыкаў Беларусі за найлепшыя навуковыя публікацыі 2017 года. У шорт-ліст намінацыі «Гуманітарныя навукі. Манаграфіі» ўвайшлі 4 работы:
Прэзентацыя перакладу на беларускую мову "Усеагульнай дэкларацыі правоў чалавека"
Mіжнародная супольнасць штогод 10-га снежня адзначае Дзень правоў чалавека ў сувязі з прыняццем у гэты дзень у 1948 г. Усеагульнай дэкларацыі правоў чалавека. У 2018 годзе гэтай падзеі спаўняецца
70 гадоў.
Да юбілею Дэкларацыі Прадстаўніцтвам ААН у Беларусі пры падтрымцы МЗС, Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі падрыхтавана адмысловае выданне на беларускай мове гэтага сусветна вядомага дакумента.
Аб стане падрыхтоўкі тома “Рэфлексы tort/tolt, tert/telt, ort/olt” фанетыка-граматычнай серыі “Агульнаславянскага лінгвістычнага атласа” ў рамках беларуска-чэшскага навуковага супрацоўніцтва
На фота (злева направа): Павел Грыцэнка, Петра Прадкава, Марціна Ірэінава, Мікалай Антропаў
У адпаведнасці з рашэннем Міжнароднай камісіі “Агульнаславянскага лінгвістычнага атласа” (АЛА) пры Міжнародным камітэце славістаў, прынятым пад час пасяджэння ў Частай-Папярнічцы (Славакія, 2017 г.), у склад рэдкалегіі тома “Рэфлексы tort/tolt, tert/telt, ort/olt” фанетыка-граматычнай серыі АЛА, які рыхтуецца Чэшскай нацыянальнай камісіяй АЛА, у якасці сурэдактараў былі ўведзены вядучы навуковы супрацоўнік аддзела славістыкі і тэорыі мовы М. П. Антропаў, а таксама старшыня Украінскай нацыянальнай камісіі АЛА П. Я. Грыцэнка. У ліпені б. г. у Інстытуце чэшскай мовы Акадэміі навук Чэшскай Рэспублікі (г. Брно) адбылося першае пасяджэнне рэдактарскай камісіі.
Супрацоўнікі адзела славістыкі і тэорыі мовы прынялі ўдзел у рабоце міжнароднай навуковай канферэнцыі «Svět v obrazech a ve frazeologii II» (Прага)
В.У. Фурс, арганізатар канферэнцыі - доктар філасофіі Ладзіслаў Янавец, В. В. Герасімовіч, Р.Ф. Сахарава
Пры падтрымцы праекта MOST (Mobility Scheme for Targeted People-to-People-Contacts) па пашырэнні прафесійных кантактаў старшыя навуковыя супрацоўнікі аддзела славістыкі і тэорыі мовы, Вольга Віктараўна Герасімовіч і Вольга Уладзіміраўна Фурс, 22–24 лістапада 2018 г. выступілі ў складзе дакладчыкаў на міжнароднай навуковай канферэнцыі «Svět v obrazech a ve frazeologii II», арганізаванай кафедрай чэшскай мовы педагагічнага факультэта Карлава ўніверсітэта.
