Інстытут мовазнаўства імя Якуба Коласа

100-ГАДОВЫ ЮБІЛЕЙ ЯЎГЕНІІ МІХАЙЛАЎНЫ РАМАНОВІЧ (6 ліпеня 1922 – 22 снежня 2012)

6 ліпеня споўнілася 100 гадоў з Дня нараджэння Яўгеніі Міхайлаўны Рамановіч. Яўгенія Міхайлаўна мае дзве дзяржаўныя ўзнагароды. Яна лаўрэат Дзяржаўнай прэміі СССР (1973) і лаўрэат Дзяржаўнай прэміі Рэспублікі Беларусь (2000) у галіне мовазнаўства. Каб годна ўшанаваць памяць юбіляра, супрацоўнікі аддзела дыялекталогіі і лінгвагеаграфіі Інстытута мовазнаўства імя Якуба Коласа правялі ўрачыстае выязное мерапрыемства, прымеркаванае да Года гістарычнай памяці. У ім бралі ўдзел загадчык аддзела дыялекталогіі і лінгвагеаграфіі Вераніка Мікалаеўна Курцова, старшы навуковы супрацоўнік гэтага аддзела Юрый Вячаслававіч Маліцкі і малодшы навуковы супрацоўнік Ірына Васільеўна Галавіна. Урачыстасць адбылася ў аграгарадку Дараганава, які знаходзіцца ў Асіповіцкім раёне Магілёўскай вобласці. Імпрэза стала магчымай дзякуючы вялікай зацікаўленасці ў яе правядзенні старшыні Дараганаўскага сельскага савета Тамары Юльеўны Валадзько, дырэктара школьнага комплекснага краязнаўчага музея Валянціны Ігнатаўны Аўдзейчык, бібліятэкара Дараганаўскай сельскай бібліятэкі Вікторыі Мікалаеўны Паўлавай і многіх іншых мясцовых жыхароў, неабыякавых да лёсу сваіх выбітных землякоў.

Семінар «Лінгвістычны кантроль якасці нарматыўных прававых актаў» на базе Нацыянальнага цэнтра прававой інфармацыі

5 ліпеня 2022 г. у Нацыянальным цэнтры прававой інфармацыі прайшоў семінар «Лінгвістычны кантроль якасці нарматыўных прававых актаў».

У мерапрыемстве прынялі ўдзел супрацоўнікі ўпраўлення рэдакцыйна-выдавецкіх работ НЦПІ, упраўлення інфармацыйна-прававога і лінгвістычнага забеспячэння дзейнасці Адміністрацыі Прэзідэнта Рэспублікі Беларусь НЦПІ, аддзела кантрольна-пратакольнай работы і выпуску прававых актаў канцылярыі Прэзідэнта Рэспублікі Беларусь, галоўнага экспертна-прававога ўпраўлення Апарата Савета Міністраў Рэспублікі Беларусь, аддзялення лінгвістычнай экспертызы рэдакцыйнага ўпраўлення Сакратарыята Палаты прадстаўнікоў Нацыянальнага сходу Рэспублікі Беларусь.

КРУГЛЫ СТОЛ “ДЫЯЛЕКТНЫЯ ТЭКСТЫ ЯК КРЫНІЦА ПА ЗАХАВАННІ КУЛЬТУРНА-МОЎНАЙ І ГІСТАРЫЧНАЙ ПАМЯЦІ БЕЛАРУСКАГА НАРОДА”, ПРЫМЕРКАВАНЫ ДА ГОДА ГІСТАРЫЧНАЙ ПАМЯЦІ

29 чэрвеня ў Інстытуце мовазнаўства імя Якуба Коласа адбыўся круглы стол “Дыялектныя тэксты як крыніца па захаванні культурна-моўнай і гістарычнай памяці беларускага народа”. Навуковая імпрэза ладзілася ў рамках мерапрыемстваў, прымеркаваных да Года гістарычнай памяці. Круглы стол быў арганізаваны і праведзены супрацоўнікамі аддзела дыялекталогіі і лінгвагеаграфіі Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Запрашаем на працу!

Інстытут мовазнаўства імя Якуба Коласа НАН Беларусі запрашае на працу ў аддзел сучаснай беларускай мовы супрацоўнікаў з вышэйшай філалагічнай адукацыяй, якія ведаюць беларускую мову, валодаюць камп’ютарам, змогуць працаваць над стварэннем “Слоўніка мовы твораў Якуба Коласа”.

Звяртайцеся:

Тэл. +375-29 120 97 40 – Валянціна Паўлаўна Русак

nanb_VP_rusak@tut.by

СУСТРЭЧА СТУДЭНТАЎ З ГІСТОРЫКАМІ МОВЫ І ДЫЯЛЕКТОЛАГАМІ

21 чэрвеня 2022 г. студэнты першага курса факультэта пачатковай адукацыі Беларускага дзяржаўнага педагагічнага ўніверсітэта імя Максіма Танка і намеснік дэкана па выхаваўчай рабоце Ірына Аляксандраўна Буторына наведалі філіял “Інстытут мовазнаўства імя Якуба Коласа” Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Круглы стол “Дыялектныя тэксты як крыніца па захаванні культурна-моўнай і гістарычнай памяці беларускага народа”

29 чэрвеня 2022 года ў Інстытуце мовазнаўства імя Якуба Коласа ДНУ “Цэнтр даследаванняў беларускай культуры, мовы і літаратуры Нацыянальнай акадэміі навук Беларусі” адбудзецца круглы стол “Дыялектныя тэксты як крыніца па захаванні культурна-моўнай і гістарычнай памяці беларускага народа”, прымеркаваны да Года гістарычнай памяці.

Падчас мерапрыемства плануецца абмеркаваць наступныя пытанні:

Курцова В. М. Беларускі нацыянальны тэкстаграфічны фонд: крыніцы тэкстаў і іх тэматычная разнастайнасць.
Кунцэвіч Л. П. Сведкі трагічных падзей: тэксты як крыніца ўспамінаў пра вайну і пасляваенныя гады.
Трухан Т. М. Тэксты як крыніца ўспамінаў пра лёсы людзей.
Маліцкі Ю. В. Тэксты як крыніца краязнаўчых звестак.
Хвіланчук Ю. Л. Адметныя сінтаксічныя рысы гаворак цэнтральнай дыялектнай зоны (паводле выдання “Хрэстаматыя па беларускай дыялекталогіі. Цэнтральная зона”(2009)).

Месца правядзення: Цэнтр даследаванняў беларускай культуры, мовы і літаратуры НАН Беларусі (г. Мінск, вул. Сурганава, д. 1, корп. 2, 3-ці паверх, аўд. 302).

Пачатак работы ў 14:00.

Форма правядзення: вочна-дыстанцыйная.

Далучыцца да мерапрыемства можна будзе праз платформу Zoom.

Спасылка для падключэння: https://us02web.zoom.us/j/85605861998?pwd=8N0mpGwjXGCA4qhqVwLn91_T55x1_n.1.

Ідэнтыфікатар канферэнцыі: 856 0586 1998.

Код доступу: Wa0mi1.

Запамінальная сустрэча на астравецкай зямлі

8 чэрвеня ў Астраўцы Гродзенскай вобласці прайшло адметнае мерапрыемства пад назвай “Роля старабеларускай пісьмовай спадчыны і беларускіх народных гаворак ва ўмацаванні гістарычнай памяці народа”.

ЖАМЧУЖЫНА ЎСХОДНЕСЛАВЯНСКАГА ПІСЬМЕНСТВА “ЖЫЦІЕ ЕЎФРАСІННІ ПОЛАЦКАЙ”: ГІСТОРЫЯ І ВЫДАННЕ

У Цэнтральнай бібліятэцы імя Янкі Купалы г. Мінска ў рамках цыкла навукова-папулярных лекцый, уключаных у план мерапрыемстваў Нацыянальнай акадэміі навук Беларусі па патрыятычным выхаванні ў 2022 г. 12 мая прайшла чарговая сустрэча наведвальнікаў бібліятэкі з супрацоўнікамі аддзела гісторыі беларускай мовы Цэнтра даследаванняў беларускай культуры, мовы і літаратуры Нацыянальнай акадэміі навук Беларусі (раней адбыліся: навукова-папулярная лекцыя “Праект стагоддзя беларускай гуманітарыстыкі: «Гістарычны слоўнік беларускай мовы»”, 23 лютага 2022 г., майстар-клас на тэму “Янка Купала – пра беларускую мову”, 22 сакавіка 2022 г., навукова-папулярная лекцыя “Пісьмовая праваслаўная спадчына Беларусі: з гісторыі выдання”, 13 красавіка 2022 г.).

Міжнародная навуковая канферэнцыя “ЭТНАЛІНГВІСТЫКА І ТРАДЫЦЫЙНАЯ КУЛЬТУРА: ДЫЯХРАНІЧНЫ І СІНХРАНІЧНЫ АСПЕКТЫ МІЖМОЎНАГА ЎЗАЕМАДЗЕЯННЯ”, Мінск, 2 – 3 лістапада 2022 г.

application/vnd.openxmlformats-officedocument.wordprocessingml.document icon

inf.list_ethnolinguistic_1.docx

inform_pismo_1.docx

Шаноўныя калегі!

2 – 3 лістапада 2022 г. у ДНУ “Цэнтр даследаванняў беларускай культуры, мовы і літаратуры НАН Беларусі” адбудзецца Міжнародная навуковая канферэнцыя “Этналінгвістыка і традыцыйная культура: дыяхранічны і сінхранічны аспекты міжмоўнага ўзаемадзеяння”.

Неабходная інфармацыя для ўдзелу ў канферэнцыі размешчана ў інфармацыйным лісце.

Запрашаем да ўдзелу!

«Вялікі пясняр беларускага народа Якуб Колас – адзін са стваральнікаў сучаснай беларускай літаратурнай мовы» (Прэс-рэліз)

29 верасня 2022 г. у 10-⁰⁰

Дзяржаўная навуковая ўстанова «Цэнтр даследаванняў беларускай культуры, мовы і літаратуры НАН Беларусі»

адбудзецца Рэспубліканская навуковая канферэнцыя «Вялікі пясняр беларускага народа Якуб Колас – адзін са стваральнікаў сучаснай беларускай літаратурнай мовы»

Якуб Колас (сапр. Канстанцін Міхайлавіч Міцкевіч) па праву займае адно з найбольш пачэсных месцаў у сузор’і славутых імёнаў, якімі ганарыцца беларускі народ. Сваімі творамі пісьменнік унёс неацэнны ўклад у духоўную культуру народа, актыўна садзейнічаў станаўленню нацыянальнай свядомасці беларусаў, выхаванню патрыятызму, пачуцця гонару за сваю Бацькаўшчыну, любові да роднай прыроды, да людзей працы. Колас з’яўляецца адным з заснавальнікаў новай беларускай літаратуры і беларускай літаратурнай мовы. Вытокі Коласавай мовы – у жывой народнай гаворцы, у вуснай творчасці, у крыніцах мастацкай літаратуры беларускага і іншых славянскіх народаў.

Глядзіце таксама