Сустрэча ў Засульскай сярэдняй школе да Дня беларускай навукі

Адным з напрамкаў дзейнасці Інстытута мовазнаўства імя Якуба Коласа з’яўляецца супрацоўніцтва з сярэдняй школай: вучоныя інстытута падрыхтавалі для вучняў шэраг слоўнікаў і дапаможнікаў, яны пастаянна ўваходзяць у склад журы алімпіяд па беларускай мове, конкурсаў творчых і навуковых работ, сустракаюцца са школьнікамі, праводзяць для іх кансультацыі.

23 студзеня 2021 года загадчык аддзела гісторыі беларускай мовы Наталля Вікенцьеўна Паляшчук наведала Засульскую сярэднюю школу Стаўбцоўскага раёна Мінскай вобласці, якую ў свой час сама закончыла. Сустрэча з вучнямі і настаўнікамі была прысвечана Дню беларускай навукі, які ў нашай краіне сёлета адзначаецца 31 студзеня.

Віншуем Алену Ігараўну Ляшкевіч з атрыманнем ступені кандыдата філалагічных навук!

Па выніках экспертызы ў Прэзідыуме ВАК 27 студзеня 2021 г. зацверджана рашэнне Савета па абароне дысертацый аб прысуджэнні вучонай ступені кандыдата філалагічных навук Ляшкевіч Алене Ігараўне, малодшаму навуковаму супрацоўніку сектара этналінгвістыкі і фальклору.

Трэці этап XXXVII Рэспубліканскай алімпіяды па вучэбных прадметах “Беларуская мова” і “Беларуская літаратура” завершаны

12–15 студзеня 2021 года ў ДУА “Гімназія № 14” г. Мінска праходзіў трэці этап XXXVII Рэспубліканскай алімпіяды па вучэбных прадметах “Беларуская мова” і “Беларуская літаратура”. У якасці журы ўжо па традыцыі ў ёй прынялі ўдзел супрацоўнікі Інстытута мовазнаўства імя Якуба Коласа. У гэтым годзе гэта былі Н.Ю. Перавалава (старшы навуковы супрацоўнік аддзела гісторыі беларускай мовы), В.І. Уласевіч (вядучы навуковы супрацоўнік аддзела сучаснай беларускай мовы), Э.В. Ярмоленка (вядучы навуковы супрацоўнік аддзела гісторыі беларускай мовы). У абавязкі членаў журы ўваходзіла праверка пісьмовых работ і выстаўленне балаў згодна з крытэрыямі ацэнкі, распрацаванымі складальнікамі заданняў, а таксама кансультацыі ўдзельнікаў алімпіяды па дапушчаных памылках.

РЭЗАЛЮЦЫЯ Міжнароднай навуковай канферэнцыі “Сучасныя праблемы анамастыкі”

17–18 снежня 2020 года на базе Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі адбылася Міжнародная навуковая канферэнцыя “Сучасныя праблемы анамастыкі”, прымеркаваная да 85-годдзя прафесара В. П. Лемцюговай. Арганізатарамі яе выступілі Інстытут мовазнаўства імя Якуба Коласа і Рэспубліканская тапанімічная камісія пры НАН Беларусі.

На канферэнцыі ў рэжыме on-line адбыліся два пленарныя пасяджэнні, працавалі чатыры секцыі (секцыя 1. Актуальныя праблемы антрапанімікі; секцыя 2. Актуальныя праблемы тапанімікі; секцыя 3. Тэарэтычныя аспекты анамастычных даследаванняў; секцыя 4.Гістарычная анамастыка. Анамастыка і праблемы міжмоўнага і міжэтнічнага ўзаемадзеяння). Прайшла прэзентацыя кнігі Юрыя Важніка “Тапанімічны космас”. На адкрыцці канферэнцыі з вітальным словам выступіў дырэктар Інстытута мовазнаўства імя Якуба Коласа Ігар Капылоў, які расказаў пра дасягненні беларускай анамастычнай школы, акрэсліў праблемныя пытанні анамастычных даследаванняў на сучасным этапе, адзначыў уклад у анамастычную навуку прафесара В. П. Лемцюговай.

.

Міжнародная навуковая канферэнцыя, прысвечаная 85-годдзю з дня нараджэння прафесара В. П. ЛЕМЦЮГОВАЙ «СУЧАСНЫЯ ПРАБЛЕМЫ АНАМАСТЫКІ»

Канферэнцыя "Сучасныя праблемы анамастыкі" будзе праводзіцца ў рэжыме анлайн. Жадаючыя паслухаць удзельнікаў канферэнцыі могуць напісаць на адрас anamastyka20@gmail.com,  каб атрымаць спасылку на канферэнцыю ў ZOOM.

Абвестка

 У сувязі са складанай эпідэміялагічнай сітуацыяй падвядзенне вынікаў Рэспубліканскага конкурсу творчых пісьмовых работ пераносіцца з 30 кастрычніка на 18 снежня 2020 года (праспект Незалежнасці 66, Прэзідыум НАН Беларусі, вялікая канферэнц-зала, 11.30).
 

Прэзентацыя выдання «Тафсіры, кітабы і хамаілы з прыватных кнігазбораў Беларусі: каталог»

3 верасня 2020 года ў Цэнтральнай навуковай бібліятэцы імя Якуба Коласа НАН Беларусі прайшла прэзентацыя адметнага ў беларускім мовазнаўстве выдання «Тафсіры, кітабы і хамаілы з прыватных кнігазбораў Беларусі: каталог».

Навукова-практычны семінар «Мова пісьменніка: камунікатыўныя і эстэтычныя аспекты»

2 верасня 2020 года ў рамках «Тыдня мастацкага слова» адбыўся навукова-практычны семінар «Мова пісьменніка: камунікатыўныя і эстэтычныя аспекты». Мерапрыемства прайшло з удзелам вучоных Інстытута мовазнаўства імя Якуба Коласа і Інстытута літаратуразнаўства імя Янкі Купалы.

Русско-белорусский толковый словарь по металлургии и литейному производству

Русско-белорусский толковый словарь по металлургии и литейному производству / Национальная академия наук Беларуси [и др.]; сост.: В. А. Ковтун [и др.]; под общ. ред. Ю. М. Плескачевского. – Минск: Беларуская навука, 2020. – 739 с.

Глядзіце таксама

  • Корпус беларускай мовы