Арганізацыя: ДНУ «Цэнтр даследаванняў беларускай культуры, мовы і літаратуры НАН Беларусі»
Адрас: 220072, г. Мінск, вул. Сурганава, 1, корп. 2, каб. 608
Тэл.: +375 (17) 270‑24‑69
E‑mail: elboganeva@gmail.com
Гістарычная даведка
Сектар этналінгвістыкі і фальклору быў створаны 1 ліпеня 2008 года на падставе загада № 45 ад 21.05.2008 г.
Загадчык сектара
Склад сектара
| Прозвішча, імя, імя па бацьку | Пасада | Вучоная ступень |
|---|---|---|
| Алексяевіч Ганна Віктараўна | старшы навуковы супрацоўнік | кандыдат філалагічных навук |
| Буйко Цімур Сяргеевіч | малодшы навуковы супрацоўнік | кандыдат філалагічных навук |
| Станкевіч Ганна Валер’еўна | малодшы навуковы супрацоўнік | — |
Асноўныя напрамкі навуковай дзейнасці
- Этналінгвістычнае даследаванне семантыкі і арэалогіі этнамоўных адзінак і этнакультурных з’яў беларускай традыцыйнай культуры ў кантэксце беларуска‑іншамоўнага і беларуска‑іншакультурнага ўзаемадзеяння.
- Даследаванне беларуска‑славянска‑неславянскіх этнамоўных і этнакультурных адпаведнікаў у галіне лексікі і культурнай семантыкі.
- Сістэматызацыя, картаграфаванне і навуковае каментаванне этнакультурных з’яў.
- Развіццё этналінгвістыкі як асобнай мовазнаўчай дысцыпліны ў яе міждысцыплінарных сувязях.
- Праца над стварэннем Беларускага фальклорна‑этналінгвістычнага атласа (БФЭЛА), сістэматызаванага апісання з’яў традыцыйнай народнай культуры, у якім дэталёва і паслядоўна будуць раскрыты і адлюстраваны на картах элементы фальклорнай традыцыі па асобных тэмах: каляндарнай, сямейнай і аказіянальнай абраднасці, вераванняў, жанраў няказкавай народнай прозы і інш.
- Праца з электроннай базай даных БФЭЛА, якая змяшчае інфармацыю з унікальнага рукапіснага архіва, сабранага навукоўцамі, выкладчыкамі і студэнтамі ў канцы 1970‑х — 1980‑х гг. па ўсёй тэрыторыі Беларусі. База ахоплівае каля 26,5 тысяч адзінак з 1610 вёсак усіх рэгіёнаў краіны.
- Супрацоўніцтва з ВНУ: арганізацыя сумесных семінараў, круглых сталоў, лекцый для студэнтаў.
- Падрыхтоўка да выдання навуковых манаграфій, зборнікаў, артыкулаў.
- Папулярызацыя фальклорнай спадчыны: падрыхтоўка навукова‑папулярных выданняў, у тым ліку для дзяцей і падлеткаў.
